اولا
وقسم قسمات مو غريب عليك الابداع
والعذوبة في الطرح ياقميلا
عن جد انتي خورافيه تؤبشي ئلبي ئبش
وهالموضوع قسمن انه مومييز للنخاع ابخليه هنيا ليمن نخلص من الخنمبقه والصرقعه
عقبها اطيرهـِ {- تري للمواضيع المميزة قصدي

ابد والله
خذي راحتك ياشقمة قلبي ( شقمة يعني قطعة لغير متحدثي اللهجة البيزنطية ) {- لا يكثر بس

واللهي طفولتي اختصرها بثلاث كلمات :
شقاوة
دلع
براءة
الفرح فيها ياستي كان كل شئ اما الحزن ماكنت اعرف الحزن بفضل الله
وكان نادرا ما ابكي بسبب دلع امي وابوي لي
هم والله ماقصرو ياعلني ما ابكيهم الله يجزاهم عني كل الخير ويرزقني برهم والإحسان اليهم
غير اني بجد غلبتهم وتعبتهم معي بسبب دلعهم الزايد لي
لما كبرت كنت أعاني من مشكلة اني اي شئ ابيه ومايجيني اجلس ابكي عليه ويصير ذاك اليوم مناحه على اهلي ويوم اسود بجد
والسبب اني ماتعودت لما اطلب شئ مايجيني
ليمن طقيت راسي بالطوفة وبديت اعقل وافهم الصح من الخطأ وخليت حركات المبزرهـِ والعناد
من ناحية البراءهـِ كنت من جد فيني براءهـِ واحيانا اسميها دلاخه
يعني باعطيكم موقف صار لي وانا صغيرهـِ كل ما اتذكرهـِ اجلس اضحك على دلاختي او برائتي زي ماتقولون
فيه موقف ابقوله لكم واذكر سبق وقلته بموضوع اخر
طبعا هالسالفة كانت يوم انا صغنونه بالحيل لو اقول هات القمر اعطوني
خرجنا مرة على البحر وشفت جمل وعليه هودج صيحت على ابوي الا لازم اركبه
عاد ابوي نادى الرجال وجاء
قلت خله ينزل هذا هنا {- يعني نزل الهودج على الارض
قال ابوي يابابا هذا ماينزل قلت لا ينزل يعني ينزل الموهيم نزله ابوي بالارض ودخلت وجلست فيه {- ولا يفوتكم حطيت رجل على رجل
شافني ابوي قام يضحك قال هاهـِ مبسوطه ..؟
قلت لا ابي امي تجي هنا الموهيم دخلت امي معي بالهودج وجلست اشوي ونزلني ابوي
جاء الرجال بيروح قمت اصيح قال ابوي وش فيه ..؟
قلت ابي عينه قال حرام يابابا بعدين يموت
قلت لالالا ابيها عاد ابوي هاوشني ومشينا تقول امي جلست ابكي عليهم ثلاثة ايام كل يوم اقوم من النوم ابكي ابي عين الجمل {- وش كنت احس فيه مدري
الموهيم
تقول امي خفنا يجيك فتاق من كثر البكاء وراح ابوك جاب من المجزرهـِ عين جمل
وجابها لك يوم شفتيها تخبيتي ورى ظهري وتبكين تقول لا ياماما هذا يععع
بصراحة بيني وبينكم
هالموقف هذا بالذات كل ماازعل ابوي بشئ يذكرني ابوي بهالسالفة واستحي من نفسي ومن هبالتي وانا صغيرهـِ , كل العائلة عارفين هالسالفة وقسم استحي
اما عن الحزن كنت لما اسمع صوت راشد الماجد ابكي ( رومانسيه من يوم يومي ){- من يمها
اما عن مشاكستي كان فيني شقاوة ومشاغبة مايعلم فيها الا الله

جدي وعدني لو انجح وانا اولى ابتدائي بتقدير ممتاز واجي الأولى على الصف يبي يعطيني خمس مية ريال عاد انا طنخت براسي خمس مية ريال {- على ماقال الشيخ سليمان الجبيلان مسيلة للدموع
ورحت اشد حيلي واذاكر
يوم نجحت وجبت المطلوب {- قولو ماشاء الله لاتصفقوني عين
عطاني جدي الخمس مية ورحت اشتري من البقالة الهندي ملعون الخير يوم شافها بيدي
لعب علي عطاني عشرة ريال مصروفة وسرق الخمس مية حقتي وعطاني كيس تسالي
وعصير ربيع {- هذا اللي اذكره
ورجعت البيت مبسوطه
بعدها اختي الكبيرهـِ سالتني عن الفلوس وعلمتها بالسالفه وعرفت ان الهندي لعب علي وعلمت لاخواني وهيك وعاد طلعو الخمس مية من عينه وردوها لي
{- كفو والله عيال الجنوب ماعندهم يا امي ارحميني بالدراهم
واذكر هذاك اليوم جاني كف ماغط الطبلون من اخوي الكبير عشان طلعت للبقاله لحالي
فمن جد دلاخة
اذكر كنت مرهـِ العب في الفصل ومسببه فوضى جت الاستاذهـِ ومسكت اذني وفركتها
مسكت شعرها وجلست تقول فكي يابنت وانا اقولها فكي وافك
الأستاذهـِ هذي توفت قبل شهر الله يرحمها من قلب حزنت عليها كنت شقية بالفصل عندها ومرمطتها مرمطة الله المستعان بس
وعاد فيه سالفة ابقولها بس بليز مابدي حدى يضحك علي
اول ماجيت المدرسة كنت اتقرف من حماماتها وانتو بكرامة وما اطيقها بالحيل
انا فيني هوس نظافة ليمن الحين احب النظافة من كل قلبي فكنت لما ادخل الحمام افسخ المريول والشراب والجزمة وكل شئ عند الباب وادخل واذا طلعت البس عشان ماتتوسخ ملابسي خخخخ
كفشتني مرة الاستاذة وعلمت امي انضربت ضرب وقسم ولا سجن ابو غريب
حرمت معد افك ملابسي لو اموت
ومرة من المراير طبعا امي كانت تسرح لي شعري وترتبه بشبرات وبكلات وتسوي لي قرنين قرن من اليمين وقرن من اليسار انا كنت احب اتكشخ جيت مرة وفكيت اللي سوته امي بشعري نثرت شعري
واخذت علبة التوكات ورصيت التوكات بشعري من اليمين الى اليسار طلع راسي من قدام كانه سكة قطار وشعري من ورى لميت قرن بشباصة والثاني خليته مفكوك {- قصدي موضه يعني :k2:
واتفقنا انا والبنات نطقم بلون ازرق {- وش طرى لنا الازرق مدري
رحت انا اطقم بلون ازرق وطبعا الازرق زي منتو عارفين يعتبر لون مخالف للزي المحدد بالمدرسة
وانا على بالي كشخه , جت المديرة هذاك اليوم وقامت تجمع البنات اللي اشكالهم مو مرتبة
وتلف فيهم على الفصول وينضربون قدام الطوابير بالعصا
من جد هذي المديرة ماتخاف من الله
عمى يعميها ماتراعي مشاعر الطالبات ولا شئ
عاد دخلت للفصل وانا جالسة وقامت تطلع البنات وحدهـِ ورى الثانية وانا جالسة واثقة
شوي الا يوم طلعتني من ضمنهم ما انسى التحطيم النفسي اللي كنت فيه هذاك اليوم
واتصلوا على امي وجت وشافت الخويش اللي براسي واللون الازرق
وتحلفت فيني امي وطبعا في البيت لعبنا انا وامي توم وجيري ومايحتاج اكمل اكيد عارفين وش صار
من بعدها صرت معد المس شعري وانا رايحه للمدرسة امي تسرحه لي او اختي الكبيرة
وبس ياستي هذي بعض المواقف اللي تعرضت لها وانا سنة اولى ابتدائي
انا بصراحة كنت كوكتيل بالمواصفات في طفولتي وكان لي مغامرات وماخفي كان اعظم

عاد الحلويات ياربي
كان لها ذكريات بالنسبة لي خاصة بسكويت ريكو كنت احب اجمع الصور اللي تجي معه والصقها على دولابي
وبرضو رينجو كنت احبه والحلاوة الدواير تاكلينها بعدين بالاخير تصير علك وملونه كنت احب اللي لونها ابيض
برضو بسكويت ابو ولد يا الله من جد ذكريات
عاد اذكر
كنت اخذ الحلويات واخبيها في البدرون تحت العفوش والمشكلة ما آكل منها
قصدي اجمعها {- والله لو انها فلوس
الموهيم جمعت وجمعت وجمعت على بالي الحلويات اذا طولت ماتخرب
جلست سنة كاملة وانا بس اجمع ظنتي لو بياخذون اللي جمعته بيفتحون دكان
بعدين جيت يوم العيد ورحت اطلع الحلويات واوزع على الاطفال و آكل معهم المشكلة كلنا دلوخ الطعم متغير بس مادرينا
اليوم الثاني كل واحد مودي بنته المستشفى تسمموا
وانا اولهم طبعا جاني تسمم امي سألتني وش اكلتي قلت حلاوهـِ قالت مين اعطاك
وعلمتها جت امي وشافتها تقول امي ثلاثة ارباعها انتهت صلاحيتها
فكان هالموقف من جد خطير لاني كنت بأموت بسبب هالحلويات
كنت مهبولة وقسم

الله يحييك بأي وقت يالغلا
وشاكره لك من قلب هالأستضافة الملكية الحلوة مثلك
ياحبني لك بس

.

المشاركة الأصلية كتبت بواسطة Śaήчσяέтα « ’ فكره ولآ أحلى منهاَِ حكآية قلبَِ طروح’ـآتكَِ أعجزَِ عنَِ وصَِفهاِ أسلوبكِ رائعَِ وإنتيِ أروعَِ أستمريِ فنحن بإنتظآرِ الاجملَِ يُثبتِ الموضوعَِ , ليِ ع’ـــودههَِ !

المشاركة الأصلية كتبت بواسطة ω7dк άβέέк روعَ ـه مووضوعِكّ غَ ـلآتِيّ فدييت ألبـ ـك يّ ذووقْ امممم بدور أسسئلَـه وأرججع لِكْ بآربي ‘’‘’ برؤب ونسسيت اقول وششسمه ترى ـآ قييمتك :ret: > لا تنسيني هع

خذي راحتك يابعدي

لما مات جدي الله يرحمه لأنه كان يدلعني بالحيل
ما انساهـِ بصراحة على مر الأزمان حزنت عليه وكل ما اتذكره يوحشني ويضيق صدري وربي
الحمدلله على كل حال بس

الموقف المحرج اني مرة سمعت جدتي توصي بنت عمتي عن زوجها وكذا وتنصحها بأمور شخصية
كانت توها مملكة طبعا لما جاء زوجها زيارة وهو كاشخ وهيك دخلت بنت عمتي بالعصير وكذا
ومن هالحكي قالت ابجيب لك بنت خالي الصغنونه حلوة وكلامها يدنن لأنها كانت تحبني
هي لو تدري اني باخوش عليها وابجيب العيد مانادتني من الاساس
الموهيم اول مادخلت
سلمت عليه وقام هو يسالني وش اسمك ياشاطره ..؟
وطبعا انا اجاوب رحت عند بنت عمتي وجلست بحضنها واقولها اعلم وش قالت جدتي لك عن زوجك ..؟
وهي تقول يلا شاطره روحي عند ماما
قلت ماابي باعلمه والا اعطيني ريال {- نذلة من يوم يومي
بنت عمتي استحت وقمت اعلم زوجها باللي قالته جدتي وزوجها مات من الضحك وهي مبتسمة وجهها وقسم كانه طماطه يوم راح زوجها جلست تقول لجدتي وهي تبكي وتبي تضربني وانا متخبيه ورى جدي
طبعا جدي يدافع عني دوم جدتي تبي تضربني وجدي رافض يقول صغيره البنت ماتدري عن شئ تحطون عقولكم بعقل صغيرة ..؟
وجدتي تقول لا ابي اربيها معد تنقل كلام
ماانسى هالموقف من جد محرج ومخيف بالنسبة لي وكل ابو شئ هالحين بنت عمتي عندها عيال وكل مااقابلها بعزومة استحي منها والله

لآ بالعكس كنت اتبرع بألعابي لعيال الناس مسويه كريمه ولا رجعت البيت اجلس ابكي اقول ابي لعبتي

كان اسمها ياسمين استمرت صداقتنا لحد خامس ابتدائي بعدين كل وحدة راحت بطريق
لأني نقلت من المدرسة اللي كنت ادرس فيها

بصراحة كانت سادس ابتدائي

اهدي لها
الله يوفقها بحياتها ان كانت حيه ويرحمها ان كانت ميته


لا بالعكس قسم الاسئلة تهبل مثل راعيتها


اكيد باتقبلها غصبا عن خشمي
لبى والله ذوقك
.