 |
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
الإهداءات |
|
 |
11-15-2010, 12:37 AM
|
#1 | ||||||||
|
غلا قلبي متألق
|
سوق عكاظ لعام 1431 بعدستي الخاصه ..
 بسم الله الرحمن الرحيم السلام عليكم ورحمة الله وبركاته اليوم راح اكون وياكم بأذن الله في رحله الى مهرجان سوق عكاظ بالطائف لهذي السنه 1431هـ بصراحه انا لما صورت الصور ماكان في بالي اساسا اني انزلها في منتدى كنت تاركها للذكرى لكن لجل خاطركم و لتعيشو معاي اللحظات الي عشتها قررت انزلها وعلى فكره هالموضوع ثاني مره اعرضه بمنتدى يعني ما انعرض كثير ايضا جلست تقريبا 3 ساعات عشان اصغر احجام الصور واكتب عليها اسمي واحفظها بصيغه مناسبه كل الي ابيه منكم تستمتعون بالمشاهده وتعيشو اللحظه كل صوره تعليقها تحتها اوك ... والحين مع البدايه بسم الله   هنا البدايه عند جادة عكاظ .. وجادة تعني طريق .. دخلت السوق تقريبا الساعه 5 عصرا , الجو حلو وايضا المكان مرتب ومختلف عن السنه الي طافت .. والزوار مو كثير لانه كان يوم ثلاثاء المكان عباره عن محلات على اليمين والشمال وفي الوسط طريق ترابي تستعرض فيه الخيل والابل وتسير فيه ...............................  هذي الابل تسير في الحديقا ~> اطلع برا هههه .. مثل ما انتم شايفين تمشي بالمكان المخصص لها .............................  بديت امشي ومريت على المحل هذا وفيه يعرض الالعاب القديمه المصنوعه من الخشب ...........................  هذي سلمكم الله يقال لها عدة اسماء , ناس تسميها قربه وناس تسميها السقا وناس تسميها السعن وناس تسميها الصميل , وكلن يسميها براحته ..........................  هذي بندقه خشبيه وجنبها مجسم قلاب صغير اللي لونه اخضر .. هع ناقص حبل اربطه فيه واسحبه  .......................  هذا محل صناعة الحبال .. وهالرجال جالس يصنع في هالحبال الله يكون بعونه مو جايبه تعبها ......................  هذي بعد صور للحبال بعد ماجهزت .....................  وصلت لعمنا الي ما اعرف اسمه وسلمت عليه .. هذا يشتغل على صناعة الخصف مثل ما انتو شايفين ...................  وهذي ايضا بعض الادوات المنزليه من صحون ومفارش سفر مصنوعه من الخصف ..................  هذا محل متخصص بالجلديات من قرب وشغلات ثانيه ما اعرف اساميها  .................  وهذي بعد مصنوعه من الجلد ................. يتبع ... لا احد يرد الحين |
||||||||
.gif "(31)") جعل اليدين الي سنعت التوقيع ماتمسها النآر  مزآجي  :
التعديل الأخير تم بواسطة ḆάṝḆ!ә ㋡ ; 12-10-2010 الساعة 07:38 PM
|
|
11-15-2010, 12:40 AM
|
#2 | |||||||
|
غلا قلبي متألق
|
 هذي صخره منحوت عليها حماة السوق .. للامانه ما عرفت وش معناها بس اتوقع المقصود وسط السوق ......................  هذا نسميه مدوان وجمعها مداوين .. الي لونها ابيض بوسط الطبق .. كان عندي واحد لونه اخضر زمان هع ..........................  هذا المدوان جالس يدور بعد ماطلبت من الرجال يسويه قدامنا .......................  هذي صناعات خشبيه وهي عباره عن قوالب مثل الاشكال الي تنشرى من السوق على شكل قلب ومضلع نحطها على العجينه وتقصها بالهشكل بس هذي على ايام منذو مبطي .......................  هذا قفل مصنوع من الخشب وجالس يشرح لنا فكرته ........................  هذا باب مصنوع من الخشب ايضا ..............................  عاد هذا كان يمشي في حال سبيله قمت سحبته من قفاه وحلفت لاصوره حسيت انه جاي من مسلسل اسلامي من رمضان  ......................  عاد هذا تووحفه وخاصه اللون الوردي مع السماوي صراحه خقق اظن على ايامه كانو خاقين عنده  ............................  ولك الله امحي الرجال .. هيك الشوارب يابلا .. هذا يبيع عصير بس مدري وشو خفت على بطني وهونت اخذ من عنده ...........................  هذا جالس يسوي سجاده من الصوف .............................  هذي اواني منزليه صحون ومهراس حق الهيل وناس تسميه هاون ............................  هذي لوحة محل خاص بزخرفة الفخار راح اعرض لكم صور من اعماله ..........................  هذي الفخار قبل الزخرفه .............................  وهذي بعد الزخرفه .. هذا حذاء من الفخار (اكرمكم الله ) ومزخرف ......................... يتبع لا احد يرد |
|||||||
|
جعل اليدين الي سنعت التوقيع ماتمسها النآر مزآجي :
|
|
11-15-2010, 12:40 AM
|
#3 | |||||||
|
غلا قلبي متألق
|
 هذي اواني مصنوعه من النحاس ......................................  دروع وسيوف معروضه بأحد المحلات ....................................  هذي اهرامات صغار مصنوعه من الفضه .........................................  هذا محل يباع فيه اشياء خشبيه وهالرجال جالس يسوي هراوه او عصايه او مشعاب خشبي قيمته 150 ريال ........................................  هذي اطباق حقت العيش خشبيه ......................................  هذا محل متخصص بصناعة الموبيليا .. طاولات حاملات مصاحف الخ ... .......................................  هازا برج يصعد عليه الرماه لينهالو بالسهام على الغزاهـ ~> متأثر .......................................  هذا زي مصنوع يدوي ........................................  هذا خليط من الهراوات والغدارات .. الغداره هي عباره عن خشبه مجوفه بداخلها سكين طويله او سيف تخرج منها وسموها غداره لان الواحد مايعرف ان جوتها اله حاده ويغدر به ~> فاشل في الشرح ....................................  ياعيني هنا حسيت بتهيج المشاعر كان ودي اشتري دربكه بس خفت انام بالشارع ...................................  هذي اشكال ثانيه من الهراوات ....................................  هذي خواتم واختام .. ختم ينقش عليه اسم صاحبه ويسير مثل التوقيع والبصمه تلاقونها كثير عند الشيبان ..................................... يتبع .. لا تروحو بعيد ظلو معنا سهرتنا بأولها ... لا احد يرد باااقي ماخلصت |
|||||||
|
جعل اليدين الي سنعت التوقيع ماتمسها النآر مزآجي :
|
|
11-15-2010, 12:41 AM
|
#4 | |||||||
|
غلا قلبي متألق
|
 هذي رسمه فوق مبنا صغير من الحجاره صاحبه يبغى يعرف الناس كيف كانت البيوت زمان .. قلت له بيتنا بالديره للحين مثل هذا قال صدق .. قلت اجل امزح .. عاد اندهش وانا تركته ..........................................  نفس الفكره بس مجسم صغير .......................................  هذا الرحا الي يطحنون فيه الحب .. على فكره صار لي موقف هنا الي كانت تلف الرحا وحده سمرا .. المهم اول ماجيت اصور قلت يعطيك العافيه ياخاله .. ناظرت فيني بحقد وفسرته تفسيرين .. يا انها بعدها صغيره بالسن .. يا انها فكرتها محش فيها عشانها سمره وانا عن طيب نيه .................................................. ..  وهذا انا ماشي واصور الطريق .............................................  هذا معرض ثقافي راح نشوفه سوا ............................................  قصر ابن سليمان صوره معروضه داخل المعرض ...........................................  هذي صورة لقصر الكعكي وكلها من اهم المعالم بالطائف .............................................  هنا كنبات وطاوله عليها كتب تعريفيه بالمنطقه للي حاب يجلس يقرا ........................................  هذا مجسم للصوره النهائيه الي حيكون عليها سوق عكاظ ان شاء الله .....................................  هذي صوره لعقبة الهدا سابقا قبل التوسعه ......................................  العاب بجانب السوق من شان فلذات اكبادنا يستانسون  .....................................  مجموعه من السكاكين والخناجر معروضه للتفرجه والبيع ......................................  هذا يبيع قطران يقولون يحطونه في قرب المويه يعطي نكهه .. ماجربت على ذمة الي قال لي ...........................  هذي صناعات بلاستيكيه على شكل فخار ........................  هذي منسوجات وشغلات للحريم ...............................  وهذي بعد .......................... يتبع .. مش حتقدر تغمض بؤك .. لا احد يرد ماخلصت |
|||||||
|
جعل اليدين الي سنعت التوقيع ماتمسها النآر مزآجي :
|
|
11-15-2010, 12:42 AM
|
#5 | |||||||
|
غلا قلبي متألق
|
كل الي شفته بالسوق كوم وهالمحل كوم تابعوني ..
........................  هذا اول المحل تلفون يشتغل بالهندل ...............................  هذي زمزميه وجنبها مسبت حق المسدس ..................................................  هذي كاميرا عمرها فوق 90 سنه وللمعلوميه للبيع وشغاله ..........................................  كاميرات قديمه وشغاله ايضا ..............................................  اله موسيقيه مغربيه .. على كلام صاحبها ............................................  لوحة سياره خصوصي الطائف من عهد الملك فيصل الله يرحمه .. وفي عهده صدرت اول لوحه سياره ..................................  هذا مشغل اسطوانات .. ام كلثوم زمان يا فن .........................................  وهذا بعد مشغل اسطوانات ................................................  من الطبعات الاولى الي صدرت في المملكه جريدة الندوه .....................................  اول علبة كويكر شوفان زمان ......................  علبة نستله حق الاطفال ..........................  علبه قديمه لحليب يعود الى بدايات الحليب المجفف بالمملكه ....................................  اول شركة حليب مجفف دخلت السعوديه ...........................................  درع بمناسبة بناء محطة توليد الكهرباء برابغ .........................................  اله هنديه موسيقيه ........................................  مجسم اسد مصنوع من النحاس ........................................  صور للملك سعود رحمة الله عليه ............................................  وهذي ايضا ................................  وايضا هذي ............................  صندوق قديم وعليه علبه تايد قديمه ..................................  حلي وسبح قديمه ..............................  الخيول في طريقي وانا خارج من السوق ..........................  هذا احد المعلمين جالس بوسط الطريق يحفظ الجيل النشأ ........................  ياربي تحفظهم والله بعيد عن هالوجيه الشعر والشعراء .. هذا الي جالس اول واحد على اليمين يوم صورت المعلم حقهم قال صورنا ولا مالنا رب قلت اطلب كريم الله يعطينا ويعطيك عاد بالاخير صورتهم شفقه عليهم ..............................  صوره للمعلم مع الطلاب ~> امحق تعليم .................................  هذي الابل ودعتني كما استقبلتني بكل حفاوة وتكريم ه3 .................................... يارب تكونو استمتعتم ولا تحرموني من تفاعلكم وردودكم وتقييمكم  لكم
|
|||||||
|
جعل اليدين الي سنعت التوقيع ماتمسها النآر مزآجي :
|
|
| أدوات الموضوع | |
| انواع عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| اخبار الاتحاد ليوم الخميس .....6/11/1431 | ♥ мѐŁıŋà | قسم الرياضة | 2 | 11-27-2010 05:39 PM |
| صور خرفان عيد الاضحى لعام 1431 | اميره في دنيا حقيره | صور و خلفيات | 11 | 11-23-2010 04:40 AM |
| اخبار الاتحاد ليوم الخميس .....6/11/1431 | ♥ мѐŁıŋà | قسم الرياضة | 6 | 11-20-2010 01:20 AM |
| الحاسه التي لاتنام .. سبحان الخالق. | أخت حولة بس مركزة | الدين الإسلامي | 24 | 05-27-2010 10:15 PM |
| 2010 / 1431 .. كل سـنه وانتم طيبين | نجوده | الترحيب و التهاني | 6 | 12-22-2009 07:03 PM |
العرض العادي
