๑ احب القراءهـ
بس عن طريق الإنترنت ,
طبعا مو اي مجال احب اقرا فيه لا .. احب اقرا في الكتب الدينيه , علم النفس , المهارات التربوية , فنون الإقناع والتعامل مع الآخرين , الإعجاز العلمي والإختراعات , احب اقرا في مجال الطب والصحة , بعض القصص والروايات , الألغاز , الطبخ
وطبعا قبل هذا كله القران الكريم ماينشرح صدري الا لما اقرأ واحفظ والفضل لله ثم
لأبوي اللي معودنا علىآ القران من صغرنا عسىآ الله يخليه ويحفظه يارب
واحب الدراسه من كل قلبي يااما اجيب تفوق والا بلاش من الاول دراسه

๑ أحب الكتابة
وخاصة الخواطر والنثر والمحاولات الشعرية البسيطة ,
مااحب اكتب الا لما اكون مروقه .. او حزينه وحالتي النفسيه متدهورهـ
واحب اكتب بالمنتديات والمدونات واتصفحها وطبعا بالماسن
واكرهـ حل الواجبات المدرسية

๑ احب الإنترنت
انا مدمنة شيء اسمه انترنت يعني مااقدر اعيش بدونه خلاص تعودت عليه
حتىآ يوم اسافر اشيل اللاب توب والكونكت معاي ,
من كثر مااحبه جلست افكر بمشاريع وطرحتها علىآ استاذة الحاسب وعرضناها علىآ المديرهـ و وافقت ان الطالبات وقت التدريب يدخلون معمل الحاسب ويتاح لهم خط انترنت !
في الحصص الفاضية ويتم تدريبهم عليه ,
ترو بتستفيدون من هالحركة يابنات اعرضوها باسلوب حلو وراح تنجح الفكرهـ ,
من شدة ادماني للإنترنت صرت بيتوتيه يعني احب البيت اكثر من اني اطلع برا البيت
وكيفت نفسي يكون عالمي مع الإنترنت واهلي بالبيت وصقيقاتي بالمدرسه بس
وحتىآ لدرجة انو اهلي تعودو علي يوم يعرضون علي مشروع رحلة نتمشىآ فيها
او نسافر لمكان انو الإنترنت اول حاجه يوفرونها لي عشان ماارفضٍ
يافديتهم وربي يقدرون مشاعيري

๑ احب السواليف والبربرهـ
فقط مع اللي احبهم
اموت بسواليف امي وابوي وجدي وجدتي علىآ قهوة العصرية
واحب اتابع معهم التلفاز<~ تروني متسلفه كلمة التلفاز من شخصية مرموقة بالمجتمع
انبسط من سواليفهم واضحك من كل قلبي لاشفتهم يضحكون وادعي ربي دوم
ان الله لايفرقنا ويجمعنا علىآ مايرضي وجهه دنيا واخرهـ يارب ,
احب اسولف بالماسن ياحبي للي اسولف معهم ناس ذوق وقلوبهم طيبه واموت فيهم
الله لايحرمني منهم يارب ويخليهم لي ويخليني الله يسلمني لهم
واحب اسولف مع هنوفي بالمنتدىآ احب هالبنت من كل قلبي
واحب اسولف مع اختي الخبله فله ونتهاوش انا واياها وكل يوم طقيق ومطاقق
بس نحب بعض وماتقدر اي وحدهـ فينا تعيش من غير الثانيه
حتىآ ابوي يوم يرتفع ضغطه ويضرب عندهـ الأمبير يقول نادولي الثنائي المرح
لاقالها نعرف انا رحنا وطي
واحب اسولف مع صقيقتي اللي خطبتها لعمي طبعا وزوجتهم الله يسلمني وانا اردد
يابخت من وفق بين راسين بالحلال<~ احلفي
بس بجد احب صقيقتي هذي لانها صديقة الطفوله ولين الحين وحنا اصحاب عسىآ
الله لايفرقنا يارب ,
والله اني اغليها من كل قلبي ومن كثر مااحبها زوجتها باطيب اعمامي
ياجعل ربي يوفقهم ويهنيهم يارب
واللي تبيني ازوجها تقول لي <~ ناويه تشتغل خطابه

๑ احب الإلقاء والتمثيل
احب القي بالإذاعة واحيانا لأني موهوبه يستدعوني من المدرسه للجامعة القي فيها
وامثل مشاهد احب تأليف المسرحيات واموت بشيء اسمه الفن المسرحي ,

๑ احب الإنشاد والقصايد الجنوبيه
طبعا بحكم ان صوتي حلو <~ مشكله الثقة بالنفس
احب انشد في الاحتفالات والاذاعة والمناسبات وهيك
واحب القصايد اللي في الديرهـ عندنا بالنماص حقة جدتي وجدي
احفظها واحب انشدها دوم ,

๑ احب الطبخ
بحكم اني ست بيت وشاطرهـ فأنا طباخه مية مية وشيف العايله طابعا
خاصة من بعد ماتزوجت اختي الكبيرهـ مابقىآ الا انا و ☺ ƒนℓℓą
وطبعا فله ماتحب الطبخ بينما انا احبه
من شان هيك لما تسافر الخدامه اجازهـ دوم انا اطبخ وفله تغسل المواعين
طبعا كل بنت لها طبخات معينة تبدع فيها
انا ابدع بالمأكولات الشعبية تعلمتها علىآ ايد جدتي ربي يحفظها
وابدع بالمأكولات الشامية تعلمتها علىآ ايد امي الله يخليها لنا
وجبات رمضان بصفة عامه سواء حلا او وجبات او مقبلات او مشروبات
كل شيء ابدع فيه
وطبعا وجبتي المفضله اللي اموت فيها وعشقي الذي لاينتهي
وعلىآ قولة ابوي اللي يبي يتجمل فيني يعزمني علىآ مأكولات بحريه
احبها من كل قلبي
حتىآ دوم يوم انجح او اتفوق بشيء او احفظ جزء في القران قبل الهديه يعزمني ابوي علىآ مطعم مأكولات بحريه عشان انبسط
وصديقاتي واخواني نفس الحكاية واختي الكبيرهـ ام باسم الله يحفظها
لاجيت عندها علطول تطبخ سمك وربيان كبسة وايدامات وسلطات وملطات
وشيء يفتح النفس عسىآ الله يخليها ويسعدها يارب

๑ احب التصوير
التصوير الفوتوغرافي وتصوير الفيديو والإخراج الفني عموما

๑ احب التصميم والرسم
احب اصمم اي شيء واحب اسوي توبيكات للماسن واحب ارسم فقط اذا كنت مروقه
واحب الترتيب في كل شيء ومااحب الخربطة والعشوائية احب شيء اسمه نظام

๑ احب القهاوي والعلوم الزينه
القهوة التركية وقهوة الهيل علىآ التويكس وحلاوهـ جواهر
احب الحليب في الصباح واحب شاي النعناع في العصر ,
احب القشر والزنجبيل اللي تسويه جدتي فديتها
واحب عصير اسلاش وعصير الفراوله وميرندا تفاح

๑ احب الذكريات
احب اسولف في الحصص علىآ الأوراق واحفظها للذكرىآ
ومن يوم انا صغيرهـ معي دفاتر ذكريات اعطي صاحباتي يكتبون لي فيها
واخواني وامي وابوي واستاذاتي ,
اي هدية تجيني حتىآ لو كانت بسيطه احفظها في دولابي مخصصه درج كامل بس
احفظ فيها الذكريات

๑ احب الميك اب البسيط
يعني يادوب روج وكحل وماسكارا وظل واحمر خدود فقط لاغير
ومااحب الميك اب كثير لأنه يعدم البشرهـ ومااحب ابالغ فيه جمال الطبيعة مافي احلىآ منه
علىآ قولة جدتي الزين زين لو قام من النوم والشين شين لو كحل العين
واكرهـ الاستشوار انتبهو يابنات ترو يعدم الشعر
واحب نقش الحناء والمناكير

๑ احب اكتب
بقلم الرصاص
تعودت من يومني صغيرهـ
واحب الاطفال من كل قلبي من شان هيك اموت باخواني الصغار

๑ احب الطيور
الهدهد والعصفور والبغبغاء والديك وصوص الدجاج الصغنون اللي لونه اصفر
احب النورس والحمامه وبس ,

๑ احب الورود
الجوري بألوانه وتباع الشمس والنرجس والياسمين وبس
احب الريحان وطبعا كان اذا اهدي لرسول الله صلاة ربي وسلامه عليه لايردهـ
ومن اطيب غراس الجنة الريحان
وجدتي دوم تزرعه بالحوش وامي ترزع الورود بالبلكونات

๑ احب الارانب
اتفرج فيها بس مو اربيها

๑ احب افلام كرتون
حقة زمان توم وجيري وباباي وريمي وسالي وقرندايزر وعدنان ولينا وبينكي بانثر النمر الوردي كنا نقوله ابو ذيل
واحب نقار الخشب والارنب ابو جزرهـ
ياالله ايام زمان كانت احلىآ ايام
واحب من الشخصيات الكرتونيه سبونج بوب

๑ زوج المستقبل
دوم ينطرح علي سؤال وش تتمنين مواصفات زوج المستقبل
بصراحه اتمنىآ يكون يخاف الله قبل كل شيء ومتواضع ويحافظ علىآ الصلاهـ
يكون صادق وفي ويثق فيني ويدلعني
وماتكون عينه طويله علىآ الحريم ,
يكون شريف مو يحب لي مليون وحدهـ يحبني انا وبسٍ
يكون اصل وفصل
قلبه طيب وحنون ويصبر علي .. وسيم وكوشخه ويهتم بنفسه وباستايله
تكون شخصيته قويه بس مو يتفرعن علىآ العالم
يكون شجاع ويحفظ في القران
طيوب مع اهله ومعي ومع اهلي وهيكٍ يعني

๑ احب اتابع البرامج الدينيه
وخاصة برامج محاربة السحرة للشيخ / عادل المقبل اسأل الله ان يوفقنا واياهـ لكل خير
وبرامج الدكتور طارق السويدان والعلامه راتب محمد السنيوري والاستاذ عمرو خالد
وسليمان الجبيلان وصالح الحمودي وابو زقم والشيخ العوضي بصراحه ابداع هالمشائخ

๑ احب الشخصيات
المرحه البسيطه الطموحه القويه الغامضة .. واكرهـ العباطة والعناد والتعجرف
ومااحب اللي يشوف نفسه علي ديني ودين الفشخرة والهياط اللي ماهو علىآ اصوله
تنفقع مرارتي وينبط تسبدي ويرتفع الامبير عندي والاتش يوصل حدهـ
من المياعه خاصة لاصارات علىآ رجال وع
أكرهـ العصبيه والتشدد والتخلف الحضاري عند بعض العائلات ,
واكرهـ شيء اسمه كورهـ
ومااحب البنات اللي يشجعونها لاني احس ميولها ولادي حق اولاد مو بنات
بس بيني وبينكم اشجع ثلاثة اشياء ,
الهلال والنصر والإتحاد قولو ليه ..؟
احب الهلال لأنه ايه من ايات الله
واحب النصر لاخواننا المسلمين ,
واحب الإتحاد بين الأمة الإسلامية
<~ الله يجزاني خير وش احس فيه ؟

๑ احب الفله والصرقعه
واموت بالوناسه والتطنيش وشعاري دج وفلها وربك يحلها
اكرهـ الحزن والاغاني الحزينة والخرابيط
واحب الرقص

๑ اكرهـ الزعل والحسد
صحيح اني زعوله ازعل بسرعه واتنرفز
بس علطول ارضىآ قلبي طيب
ومااحب احقد ولااحسد .. مع اني حساسه واشب في اللي قدامي يوم اعصب
بس بعدين اجلس ابكي وتخنقني العبرهـ
طبعي يوم اخجل اضحك وتحمر خدودي ويصير فيسي وردي
احب اضحك واكرهـ ابكي واكرهـ الإنتظار ,